It takes two to tango

Verlede naweek was heerlik. Dalk 'n bietjie gejaag/vinnig verby om dit die moeite werd te maak, maar baie lekker.

Ons het Saterdag op 'n wyn toer van die Barossa wyn- gebied gegaan. Om 08h30 het John, ons toergids ons by die hotel gekry. Dit was nogals lekker om die gas te wees en ons het lekker aan YCT gedink. John het ons eers opgelaai en nog 8 ander mense moes opgelaai word, so toe kry ons sommer 'n bietjie van 'n stad toer ook. Adelaide is min of meer dieselfde groote as Pretoria (+/- 1.1 miljoen mense), met 'n bree groengordel wat reg om die middestad gaan. 

Teen 10h00 het ons gedink John kan ons nou maar by die hotel gaan aflaai, want ons het klaar genoeg inligting gekry. Die man het teen daardie stadium nog glad nie opgehou praat nie. Hy het een skoot deur gepraat en gegids, totdat hy ons 18h30 weer afgelaai het. Soos meeste wyntoere seker maar is, was dit baie lekker en jolig. Ons het baie wyn geproe. Meeste heel drinkbaar. Hulle het nogals baie ander variëteite druiwe in Australie. En as ons vir 10 ure aanmekaar kon konsentreer sou ons nou self ook kon wyn maak. Die hoogtepunt was die kans om wyn wat van 'n 168 jaar oue wingerd gemaak is te proe. Dit was heerlik (soos al die ander, maar baie sag op die tong). Volgens die gids, is dit al hoe makliker om goeie wyn te maak, hoe ouer die wingerdstok. In daardie geval behoort hulle sommer net die druiwesap te bottel vir hierdie een.

Baie geluk aan Ard Matthews. Ek sluit hier 'n video in waarna ek verwys en sommer die regte woorde vir die volkslied ook in. Hy het seker gemaak dat niemand ooit weer 'n wit Afrikaner gaan vra om die volkslied te sing nie. As hy maar net gemaak het of hy die Afrikaanse deel ook vergeet, dan kon hy 'tydelike onbewusheid' gepleit het.

Ek het toe sommer gister die Dominee gebel, (eintlik om die tee uit te stel, want die woonstel was toe nie , volgens Jeanelle, so skoon soos ek gedink het hy is nie), toe hy vra of ons nog by dié kerkie is. Wel, kom ons sê maar net daar is nie meer rede vir tee nie. Hy was bietjie teleurgesteld, omdat hy gedink het dat, aangesien ons die enigste lede onder die ouderdom van 70 is, ons die kerkie sal kan herbevolk. 

Dit sal dalk makliker wees as ons ons nou en dan in die selfde stad is. Goeie nuus is dat Jeanelle vir eers bietjie tuis is. 

Gepraat van herbevolking, dit lyk vir my of die mense in Pretoria hard besig om nasie te bou. Baie sterkte aan Wian en (veral)Leoné, ons hoor ons word Maandag oom en tannie. :-)

Ek het ook weer bietjie begin oefen hierdie week, selfs verder as net Maandag. Dink die oefening maak sommer goeie hormone los, wat mens sommer meer energie gee en beter laat voel. Ek het ook met selfde sukses die studies hervat. Aanhou wen.

Ek het hierdie week darm so bietjie komiese verligting ontdek, na aanleiding van Nataniël se stuk in die nuutste Sarie. Hy het glo 'n insetsel op Radio Sonder Mense, oor etiket. Dit het ons, hierdie week, klip hard op die trein laat sit en lag. Let wel, as jy dit op die webwerf soek, RSG noem dit Potgooie!? Hier is 'n 'Link' na die nuutste potgooi oor "Heisbak Etiket", meer potgooie is hier beskikbaar, op die RSG webwerf.

Hoop dat almal die naweek geniet.

Liefde en Groete

Johann

'n Naweek saam in Adelaide

Dit was 'n stil en alleen week met Jeanelle in Adelaide van Dinsdag af.
Nog geen nuus van die 'recruitment' mense af nie. Ek moet nou eers bietjie tyd aan my studies spandeer, maar die soektog gaan voort. By die werk gaan dinge beter met die nuwe ou wat Dinsdag begin het. Binnekort sal ek kan ophou met die krisusbestuur en weer begin uitblink.
Ons Dopper/Presbyterian dominee wil hierdie week kom tee drink, :-| .

Jeanelle moet hierdie week en volgende week in Adelaide wees en haar werk het ingestem om eerder hotelverblyf vir twee te betaal, vir hierdie naweek, as om retoer vliegtuig kaartjies vir haar te kry om in Sydney te kuier.

Ek het Donderdag sommer my tas saam werk toe gevat, sodat ek direk lughawe toe kon gaan. Ek het 'n voucher gehad vir die Qantas lounge en het díe optimaal gebruik. Al het ek net 30 minue gehad, het ek kaas, brood-stokkies, koolslaai (Ai!), sop, nog kaas met vye blokkies, 'n bier, lemoensap en 'n sjokolade brownie gehad.
Die vlug was met een van Australië se lae koste lugdienste, Jetstar, en ek was vir twee ure, in die voorste ry, tussen twee mans in ge'wedge' (daar is nie 'n Afrikaanse woord wat dit beter beskryf nie). Die een aan my linker kant was 'n regte brat. Hy het my aan Shane Warne laat dink. Eers het hy alles op die spyskaart bestel (hy kon seker nie in die Qantas lounge ingaan nie) en toe 'n vertraagde speletjie, wat vir 'n iPhone gemaak is, op sy iPad gespeel, terwyl ons op Adelaide lughawe getaxi het. Asof die lugwaardin net met die ander mense gepraat het, toe sy gevra het dat almal hulle elektroniese toerusting asseblief moet af skakel totdat die vliegtuig tot stilstand kom.
Aan my regterkant was daar 'n pliggie met 'n laptop en 'n aandag tekort wat aangebied het om die ander passasiers se handbagasie in sy ekstra been spasie te hou. Dis nadat die lugwaardin verduidelik het dat ons, wat by die nooduitgang sit, geen bagasie by ons mag hê nie. Ek was onseker of die seun die nooduitgang instruksies sou kon verstaan en het solank vir my tweede-naaste uitgang begin soek. Ek het toe maar my neus vir 2 ure in die nuutste iPad uitgawe van PC&Tech Authority begrawe, terwyl ek en Shane vir die armlening stoei.

Ons het vandag die onmiddelike area en strand verken, en later die trem deur die middestad geneem. Môre gaan ons op 'n wyntoer na die Barossa wyn gebied. Ons bly op die see in die Stamford Grand hotel.

Ek sien dat al die vriende wat op vakansie was ook weer bietjie terugkeer, van die Karoo en Parys, na Pretoria om 'n bietjie te werk.
Sterkte aan nig Nadia, geniet Boston!

Hoop dit gaan goed met almal.
Liefde en groete,

Johann

'n Goeie Week

Ek Skryf vanoggend uit 'n nat en onvoorspelbare Sydney. Dan skyn die son. Vyf minute later waai die wind en dit sous. Dit lyk of ons 'n koel naweek gaan hê, hoop ons sal nog kan fiets ry. Na verlede naweek het ons bietjie snaaks gesit tot Woensdagtoe ons boude weer herstel het. Ons is nie gewoond aan soveel fietsry nie en het dit op 'n tyd sterk oorweeg om een van daai ronde 'donut' kussingkies te kry.
Baie dankpie vir al die verjaarsdag wense. Ek is goed bederf.
Ons het by 'n nuwe restaurant in die straat gaan eet. Die 'Seafood Platter for Two' het my nogals aan die vyf brode en twee vissies laat dink.
Dit was my eerste verjaarsdag in die vreemde en ek het regtig baie verlang na my vriende en familie. Dit voel vandag vir my nog heeltemal te vêr, maar ons kom darm in Januarie kuier, vir Kobus(my swaer) se troue, en ons sien baie uit daarna om almal weer te sien. Hulle is op 8 Augustus verloof, twee dae na Qantas se 'specials' verby is. :-|
Ons het vandag nogals 'n vol dag; 9uur het ons afspraak met ouditeur gehad, die belasting jaar is hier van 1 Julie tot 31 Junie. Dink dis seker bietjie van 'n beter tyd as Februarie, wanneer mens nog finansiëel herstel na Kersfees. Elf uur het ons agent en die eienaars by ons woonstel kom inspeksie doen. Sal seker nog later eers terugvoer kry, maar ek dink hulle is tevrede, veral nadat ek die stort vanoggend ses-dertig so mooi skoon geskrop het. Lol.
Dis nou net na middagete hier. Ek was gou vir 'n onderhoud. Daar is ook niks soos 'n verjaarsdag om mens se selfvertroue bietjie te boost voor 'n onderhoud nie. Hoewel die onderhoud net by 'n 'recruitment company' was, klink die vrou positief dat sy vir my iets sal kry.
Vanaand gaan ons Barry Hilton se show kyk, en daar is iewers na werk, voor die show, nog drankies.
Daar begin hierdie week iemand nuut in die pos wat al vir agt weke vakant is, sien uit na die hulp.
Ons het ook ingeskryf vir een of ander pretloop in September. Die hempies het in die pos opgedaag. Dis 'n 10km draffie. Ons sal moet begin oefen!
Ek wens julle almal 'n heerlike naweek en voorspoed met wat julle ookal aanpak.
Liefde en groete,
Johann

Stof die fietse af!

Ek sien die blog kry besoeke van so vêr as Frankryk, Dankie Bothma's!

Ons het vanoggend met 'n Franse ontbyt begin uit nostalgie (en so bietjie jaloesie).

Croissants & Pain au Chocolat

Die fietse het al staan en stof vergader an aangesien dit die eerste Saterdag in 'n lang tyd was dat ons altwee af het, het ons besluit om hulle weer bietjie op te saal en te gaan kyk wat in Sydney gebeur.

Die een kant van die Harbour Bridge is eksklusief vir fietse.

Gelukkig is daar, langs meeste strate, spesiale fietsbane.

Eerste Stop was Sydney se Winter Fees.

winterfestival.com.au

Buite-Ysskaatsbaan

Die son het bietjie warm begin skin, so die ys was bietjie nat, maar fit het niemand gekeer om the ysskaats nie. Ons het nog 'n lang pad gehad, so het eerder die Chai Latte's gesampel.

Hier sit ons rustig by 'n kaggel in een van die tente.

Kos tent is opgemaak in 'n Switzerse/Europese tema.

Oulike idee laat hele gesin die skaats geniet.

Na midagete was ons weer oppad.

Klokke by Centennial Park

Oppad terug van die park het ons hierdie pienk en grys papegaaie gesien. 

Dit was nogals 'n storie om fiets te ry en af te neem. Ek het amper te laat agter gekom dat ek nie 'n hand op die remme het nie.

Darling Harbour

Oulike Restaurant dekor. Dit lyk asof hulle honderde kerse bo kroeg het.

Maar ons oog vang toe 'n ander plekkie, die Lindt Chocolate Caffe.

Lindt Sjokolade lava-cake en Lindt Sjokolade melkskommel 

Son sak oop Darling Hawe

Groot LEGO-standbeeld binne Aquarium se ingang.

PWC se gebou op Darling Harbour.

Uitsig van die Sydney Observatory

Daar was ongelukkig nie ekstra plek vir ons in die "Observatory-Tour" nie, mens moet 'pre-book', ons kon wel na die uitstalling kyk, maar nie na die sterre (deur die teleskoop) nie, so toe ry ons nader aan die huis, op soek na aandete.

Vis & Skyfies, $5pp.

Ons kon nie 'n beter plek kry om Vis en 'tjips' te eet nie.

Dit was 'n heerlike dag. Ons het altesaam 25km fiets gery.

Roete Afgelê, 25km

Die Rat Race

Dink ek moet op 'n Maandag begin blog, dan klink ek dalk bietjie meer positief.
Dit gaan goed met ons. Dit was die afgelope paar dae warmer, so 20°C se kant, baie beter.

Ons het ook ons eerste elektrisiteits rekening gekry, na ons daai $50 heatertjie gekoop het, dis $150 meer (darm oor 3 maande tydperk).
Verlede week se fliek was mooi. Om een of ander rede het Quickflix.com.au (ons 'online dvd rentals' wat vir ons dvd flieks pos) ook besluit om vir ons hierdie week Notinghill en Pretty Woman te stuur. So ons het nou ons share van Julia Roberts flieks in.

Het Maandagaand my eerste Toasmasters klub bygewoon. Kan nie glo daar is soveel tegniese aspekte aan toesprake nie, maar baie interessant. Het self later lus gevoel om 'n paar gevleulde woorde te spreek. Dis nou nie Albasterklub nie, maar dis die moeite werd.

Ons het vanaand 'n rustige aand met pizza en wyn.

Aan die Bothmas, Bon voyage, profiter de l'Europe!
Aan die LeRoux's, geniet die Karoo!
Aan die res, lekker naweek.

Liefde en groete, Johann