Mense wat die lewe smaak

Ek wou hierdie week by my Australianse steriotipe las deur te blog oor Australianers se smaak in voertuie, maar daar's nie plek nie. Ek deel wel graag met julle hierdie advertensie:

Ons het verlede naweek ons laaste tennisles gehad en behoort nou self 'n potjie tennis te kan speel.
Na die tennis het ons ons eerste babakamer-meubels gaan aanskaf; ons het nou 'n kot. (Ek was bang dat dit nie weer in die volgende 18 weke op uitverkoping is nie. Die spesifieke kot was nie regtig op die uitverkoping nie, maar ons het die vrou so deurmekaar gehad, dat ons byna 15% afslag op enige iets in die winkel kon kry.)

Sondag het ons saam met mede Suid-Afrikaners die pad aangepak na Sydney(Penrith) se Spur. Dit voel kompleet of 'n mens in Suid-Afrika se spur sit. Die dekor en kos is presies dieselfde, ons glo dat die resepte saam met die 'franchise' gekom het. Hulle het ook pienk-sous('chip-basting') en spur-'bbq'-sous.

Daar is minder as 15 weke van die jaar oor. (Useless information)

Ons het ook verlede naweek pos uitgehaal, (ons doen dit nie meer daagliks/gretig nie, want die winter se kwartaalikse elektrisiteits rekening moet nou enige dag kom,) net om 'n brief van die agente te kry wat sê dis tyd vir 'n inspeksie, Vrydag. Nog 'n spring-clean het die res van die naweek in beslag gelê voordat Jeanelle Dinsdagoggend tot Vrydagaand na New Zealand was.

Dit was 'n rustige week vir my terwyl ek die huis probeer skoon hou het.
Onderliggende stories by my werk is dat die groot-baas opgehou het om groot-maat aankope by die verskaffers te doen en winsgrense val want ons kompeteer teen ons eie verskaffers. (Daar het ook nog 2 mense hierdie week bedank. Klink nie goed nie. :-| ). Ek was redelik op auto-pilot by die werk hierdie week en ek dink dit mag dalk 'n goeie idee wees om te spring voor die boot sink. Ek het 'n werksaanbod gehad maar PR was een van die vereistes. Meeste van ons papiere vir PR is reg, maar ons het hierdie week uitgevind ons gaan geboortesertifikate en 'n huwelikssertifikaat moet indien. Dit kan tot 6 maande neem deur die 'SA High Commission'! (Dankie Wes met die hulp om dit te 'fast-track'.) As alles glad verloop behoort die aansoeke binne die volgende week of wat in te kan gaan. Watch this space.

Voorbereiding het Donderdagoggend so bietjie 'gelaps'; my elektriese skeermes se battery was pap, hemp was nie gestryk nie... Ek het gelukkig iewers 'n skeermes gekry wat ek lank terug gebruik het, maar toe is Jeanelle se skeerskuim op. Ek het halfpad kantoor toe ophou bloei.

Mede-'geeks' oral in die wêreld sal hulle koppe skud as hulle hoor dat ek tot Dinsdag gewag het, drie dae nadat daar 2 miljoen bestellings in die eerste 24 uur vir die iPhone5 gemaak is, voordat ek my nuwe foon bestel het. Ek het gedink hulle gaan baie papierwerk vereis en ek het nie nog kans gesien vir vorms en afdrukke waarmerk nie, maar dit was letterlik net 'n paar knoppies op die Virgin mobile webblad...ek het vandag reeds my 'tracking-number' gekry. :-)

Geluk aan Hein en Tans met julle huweliksherdenking. Soos Dr Schomer sê "Do remember that sex is a form of exercise. 15 Minutes of sex per day would burn the equivalent amount of calories of a full Big MacMeal, ...every two weeks."

4769kJ

My oefening(draf) kom nou al amper in 'n mooi roetine van 1 keer per week (elke Maandag oggend). :-)

Ons is Sondagoggend genooi na een of ander gedenkdiens by die ou Engelse kerkie in North Sydney. Ek sal my vrou se magie vir al die ou tannies kan wys. lol.

Dis lekker om weer 'n vrou te hê. ;-)

Hoop julle het 'n lekker naweek en week.

Liefde en Groete,

Johann

Stylvolle Australië

Ons het verlede naweek 'n lekker Saterdag gehad. Ons sou voor ons tennisles gaan tennis speel sodat ons bietjie kan oefen, maar die bane was gevat en toe gaan eet ons eerder brunch. :-)
Sondagoggend 06h50 het Jeanelle besef dat die hoofpynpille op is en daar 'n migrane op die horison is.
Tot my verbasing vind ek toe uit dat daar nie 'n apteek in Sydney is wat voor 08h00 op 'n Sondag oop maak (waarvan ons weet) nie. Dit het ek uitgevind nadat ek wyd en suid, heen en weer gery het opsoek na een. Die Sondag wat ons beplan het is toe ('needless to say') uit by die deur.

Met die somer wat wil-wil begin, is daar 'n paar snaakse goed in Sydney te sien. Jong mense trek weer die stukkies lap aan wat hulle duidelik, deur die winter, ontgroei het. Ons het 'n vrou en haar dogter gesien wat lyk of hulle 'fake-tan' hulle aangeval het. (Jy moet realisties wees as jy die goed gebruik. Jy kan nie na 2 dae se warm sonskyn weer, skielik lyk of jy al die hele seisoen met jou bikini aan in die son gestaan en bedel het nie. Die ma het lig en donker strepe agter haar bene gehad en haar dogter was so bruin soos 'n Woolworths-' rotisserie chicken'.)

As jy op die sypadjie loop en jy sien iemand wat bruin skoene by sy grys pak aanhet (...dan is hy seker blind?!?...) kan jy maar weet dat hy sy pers hemp aan het!?

Net toe ek vandag op die trein sit, en staar na die man met die pin-stripe suit en die rooi-raam brille wat op sy pienk iPad werk!? wonder ek of ek nie dalk te hard op die styllose Australianers is nie, toe 'n Australiaanse vrou agter my 'n sjineese vrou uittrap omdat sy haar naels op die trein sit en sny. Dis nie die eerste keer dat ek hierdie week so iets sien nie; vroeër die week het ek gou by 'n maatskappy ingeloer, toe ek gegroet word deur 'n man wat net gou sy toonnaels sit en knip. (Asof door-knocking nie 'awkward' genoeg is nie.) Ek weet van iemand in Suid Afrika wat dadelik sy bewussyn sou verloor. Hier is iets wat ons week opgekikker het:

Baba-nuus: Die outjie het begin skop. Dis nog baie liggies en gee Jeanelle sommer 'n glimlag elke keer as sy dit voel.

Oefening gaan maar power. Ek het Maandag oggend met die hulp van my 'app' begin, maar selfs die 30 minute oefen sessies het nie sommer net 'n gewoonte geword nie. Ons probeer maar eerskomende Maandag weer. :-)

Apple het ook die nuwe iPhone5 aangekondig. 'n Goeie stukkie ingenieurswerk. Ek het bietjie oor myself begin 'worry' toe ek, nadat ek die video op my foon gekyk het, dit weer op my iPad gekyk terwyl ek reggemaak het vir werk, net om seker te maak dat ek nie iets gemis nie. Die aand toe ek by die huis kom het ek die volle bekendstelling op die Apple TV begin kyk en dit baie interessant gevind. (Baie 'sad', ek weet.)

Die hierdie naweek ons laaste tennisles vir die kwartaal. En ons verlang genoeg huistoe om die 70km afstand na ons naaste Spur Restaurant af te lê. Dit is op Sondag se agenda.

Ek hoop dat Wian, Leoné en Simoné Mauritius baie geniet. Ek dink ook aan my Ouers de Villiers wat na die 8 worshonde moet kyk. (Chockie, Lulu, Mollie, Stompie en die 4 kleintjies) lol.

Hoop julle het 'n lekker week wat voorlê.

Baie Liefde en Groete

Johann

Rooi-pilletjies

Daar was geen tyd vir laat slaap Saterdag nie. Ons moes 08h00 gaan help by die kerk se "Fate"(Basaar), ons was 08:15 sterk oppad. Ek weet nie of dit eintlik 07:00 reeds in die donker begin het nie, maar toe ons daar aankom was meeste van die goeie ou meubels seker gevat, want daar was net 'n klomp stront oor. Daar was ook hope boeke, maar teen die tempo wat ek lees sal enige boek as 'n 'classic' bestempel kan word teen die tyd dat ek dit klaar gelees het.

Ons het aangebied om pannekoek en wortelkoek en piesangbrood te bak, maar is toe gevra om net 1kg rys te bring. (As ons maar koek kon vat, want rys sukkel ons nog mee in Australië. Hier is nie Tastic nie, lol.) Ons het toe 1kg rys Vrydagaand gekook. Ons het dit ongelukkig in die pot gelos en dit het alles aan mekaar vasgesit teen Saterdag oggend. Ons het dit probeer red, maar toe maar nog 'n kilogram rys gekook om saam te vat. Toe ons daar aankom het hulle self ook 'n kilogram rys gekook, net ingeval ons nie het nie. :-/

Daar was hope en hope kos (selfs sonder die kerrie en rys wat hulle by die kerk gemaak het). Die gemeente het Engelse, Afrikaanse en Koriaanse dienste en elk het genoeg kos vir 'n skare gebring/gemaak. Hulle kan dit gerus volgende jaar 'n kos-fees noem.

Ons het die naweek ook vir die eerste keer ons Apple-TV uitprobeer. Dit is die toekoms van tv; jy kan kies wat jy wil kyk en teen dieselfde prys as was jy 'n DVD sou uitneem, kan jy ook deur die Apple-TV 'n fliek uitneem en dit vir 48ure, soveel keer kyk as wat jy wil. HD, '5.1 Surround Sound', sonder enige probleem, in die gemak van jou TV-kamer. (Uit vrees dat ek te veel mense aanmoedig om dit te koop, sal ek my kragte liewer spaar vir die nuwe iPhone5 waat glo eerskomende Woensdag bekendgestel word.)

By die werk het ons groot baas Maandag die rooi pilletjies gedrink. (Ons word soos kinders behandel: Oproep hoeveelheid en durasie word nagegaan, ons moes hom email met enige nuwe afsprake wat ons gemaak het, wie ons gaan sien, maatskappy se naam, kontak nommer, adres en waarom jy hulle gaan sien en dan het ons fone ook 'gps' tracking. Vandag moet almal elke oggend in die kantoor wees, môre kla hy oor almal in die kantoor is en nie by vergaderings nie!? Iemand het ook gister bedank en na ons grootste kompetisie geskuif, wat reeds meeste van ons maatskappy se ou en ervare verkoopsmanne in diens het. Gelukkig was ons groot-baas mos die hele week in 'n sprankelende bui. lol) Dit het my net aangemoedig om harder te soek. Oor 4 weke het ek 'n jaar se verkope ervaring. (Tyd vir 'n skuif?)
Een hoogtepunt was toe ek Maandag, na vergaderings terug in die kantoor kom en 'n pakkie op my tafel kry. 'n Kliënt wat 4 masjiene gekoop het, het die kontrak terug gepos. Raai wie was vir die eerste week die enigste een met sy naam op die muur? :-)

Ons het ons uitslae gekry vir die IELTS toetse gekry en ons is altwee met vlieënde vaandels deur. Jeanelle het 8.5/9 en ek het 8/9. Seker oor daardie antwoord wat ek gemis het in die luister toets. Wat beteken die uitslag: "Very Good User. Has fully operational command of the language with only occasional unsystematic inaccuracies and inappropriacies. Misunderstandings may occur in unfamiliar situations. Handles complex detailed argumentation well."

Ons gaan môre tennis speel en braai en beplan om die res van die naweek te spandeer asof ons op vakansie is.

Geniet julle naweek.

Liefde en Groete,

Johann

2 September - Lente in Sydney

Lentedag was koud en reënerig, maar vandag is dit lekker piekniek weer.

Getoets

Hierdie week was sowaar 'n toets. 'n Toets van ons tweetaligheid, ons gesondheid en ons geduld.

Verlede Saterdag oggend (25 Augustus 2012) moes ons 8:00 reeds by die IELTS toetssentrum wees. Die IELTS (International English Language Testing System) toets is verpligtend vir Suid Afrikaaners wat aansoek doen vir 'n PR (permanent residency) Visum in Australië.

Ons is verwelkom deur 'n bondel mense en 'n Koriaan wat op die trappe staan en roep:"Go level 3, go level 3!.." Op vloer 3 was daar 2 rye: 'surnames A-K' en 'L-Z'. Na 20 minute in die ry, duik 'n vrou wat voor ons staan onder deur die tou, want haar van het verander!? Ons kom toe in 'n vertrek waar iemand vir ons 'n plakker gee met ons naam op nadat hulle eers na ons gesigte, ons foto op die rekenaar en ons  paspoort fyn bekyk het, om seker te maak ons is sowaarlik wie ons sê ons is.
Daarna bondel almal na die vertrek waar sakke gelaat word, dan weer 'n ry om in die eksamen lokaal in te kom. Dit vat weer 'n rukkie want ons moet nou eers met ons vingerafdruk opgespoor word en hulle kyk net gou weer of jou paspoort soos jy lyk, waarna 'n bleek vroutjie nou vir jou presies wil verduidelik waar jy in die lokaal sit.(nadat jy vir 15 minute in 'n ry gestaan het met diagramme teen die muur wat wys waar jy sit!?) Daarna sit ons vir 3 ure lank deur 'n luistertoets, 'n leestoets en skryftoets in 'n saal met ongeveer 200 mense van Indië, Somalië, Pakistan, China, Korea, Iran...
Met die luister toets het ons na 'n opname geluister waar twee persone praat ('n reisagent en 'n dame) en ons moes 'n lys vrae antwoord soos 'Waarheen wil sy gaan?', ' Wil sy naby die strand bly?'...(gaap)
Die antwoorde was meestal duidelik uitgespel en beklemtoon. Dit was baie vervelig en ek het ten minste een punt verloor omdat my gedagtes gedwaal het van verveeldheid.
Met die leestoets was ek so selfbewus, omdat ek gedink het ek lees dalk te stadig.  Maar nadat ek alles vinnig deurgelees het en al die antwoorde beantwoord het, was daar nog 40 minute van die 60 minute toets se tyd oor. Ek kon nie help om te dink "I'm surrounded by idiots..." nie. Die skryftoets was seker die moeilikste (of ten minste die toets waarna ek die meeste opgesien het) en het ons gevra om 'n brief van 150+ woorder te skryf om 'n restaurant te bedank vir iets en ook 'n opstel van 200+ woorde oor jou opinie oor die invloed van moderende lewe op familielewe. (Dit het gevoel of ek terug op skool was.) Die opstel ek my ook laat wonder of dit regtig beter is as alby ouers werk, om meer geld te verdien, maar dan na werk en oor naweke huiswerk soos inkopies, wasgoed en 'spring cleaning' te doen, nie inbraak maak op kwaliteit familietyd/familielewe nie. Kan 'n gesin vandag met een inkomste klaarkom? Is familielewe beter met meer tyd en minder geld? of minder tyd maar meer geld? Diep, diep, heeltemal te min tyd in 40 minute en 200 woorde, sou ek sê.
Na die skryftoetse was daar nog 'n mondeling, om te toets of ons kon Engels praat. :-) Na verskeie interaksies en vrae om te kyk of ek 'n sin aanmekaar kon sit in Anglikaans, moet die eksaminator toe kyk of ek vir 2 minute aaneen, in Engels, kan praat. Van al die moontlike vrae, vra sy my toe om oor 'n stad in Suid Afrika te praat. lol. Ek kon vir 90 minute oor 'n stad in Suid Afrika praat as sy wou (sonder om haar weer 'n kans te gee om iets te sê, maar daar was ander mense wat ook nog voor 18:00 Saterdagmiddag 'n mondelinge toets wou doen.)
Morsdood-moeg, het die res van die naweek verby gesnel.

Dinsdag moes ons vir nog 'n toets gaan vir die PR. Die mediese toetse. Ons het 'n afspraak vir 14:15 gehad en ek het aanvankik gedink dat dit vinnig sal wees en ek dit sommer gou in my middagete-breek sal kan doen. Verrassing! Daar aangekom neem jy 'n nommer en sit in die wagkamer saam met nog 'n spul uitlanders wat visums soek. As hulle jou nommer roep, dan kan jy gaan betaal. Jeanelle was voorbereid en het solank 'n brief by ons dokter gekry wat bevestig dat sy mag X-strale kry terwyl sy swanger is.  " Is julle swanger? O, nee, dan mag julle nie..." is hoe elke gesprek begin het, voordat ons met nog 'n dokter moes gaan praat sodat dié kon seker maak ons voel nie verplig on die X-strale (wat deel uitmaak van die mediese toetse) te neem nie. Alles reg en terug by die betaal punt. (Ons mag nou voort gaan.)
Nadat ons betaal het moes ons wag dat hulle ons roep vir X-strale dat hulle kan sien ons het nie TB nie. (hoes).
Daarna moes ons wag vir 'n oog toets, geweeg word, gemeet word en ook 'n uriene monster gee. "Just a little bit" resoneer in my gedagtes terwyl ek, met 'n droë mond, dink dat ek dalk meer water voor die tyd moes gedrink het. (Ek voel nogals selfbewus toe ek die lou-warm koppie op die rakkie sit, nadat ek die rante van die glasie afgevee het.)
Na dit was dit bloedtoetse waar ons deur 'n maer Filipeinse man gehelp is, wat net vertel dat hy al sy eie bloed getrek het om 'n weddenskap te wen. Bloed trek is nie my sterk punt nie. Dit het 'n bietjie onderstebo sit en sjokolade gevat voor ek weer kon regop staan en na die volgende waglokaal gaan. Ons sit en wag vir 'n dokter om ons 'general exam' te doen. Al die Britse/Australiaanse dokters rol hulle oë terwyl hulle die oosterse vanne probeer uitroep. Raai wie kry toe die Oosterse dokter. :-)
Asof die vernedering toe nou nog nie groot genoeg was nie en hulle nog nie alles van my weet nie, moes ons toe uittrek (volgens die diagram wat in 20 tale is, moes ons (gelukkig) asseblief ons onderklere aanhou). Dit was bloeddruk, en hart en longe luister. Weet nie waarom ek my broek moes uittrek nie...
Maar toe kom sy met so 'n pen nader. (Met 'n "Ag, nee miesies" uitdrukking op my gesig wonder ek waar gaan dit nou. Ek besluit solank dat ons maar eerder teruggaan Suid Afrika toe sonder hierdie PR, want dis nou wragtig net te veel.) Toe is dit eintlik 'n hammertjie om reflekse te toets!?!

Mediese toerusting vir die Algemene-
( amper Finale-) Toets

Baba-Nuus: Ons was Vrydag vir ons 19 weke 'scan' om te kyk dat alles reg is en daar is. Alles is 100%. Ons het ook 'n paar mooi fototjies gekry. (Ek het hierdie dalk al vroër die week aan verskeie mense 'gespam' sonder 'n beskrywing. Jammer, skryf dit maar af aan 'n trotse pa-to-be.)

3D Scan (Dis nie 'n slurpie nie, dis sy arm.
Sy kop is effens na die linkerkant van die foto gedraai.  Kobus reken hy lyk soos die denker.)

Op die oefen front: Maandagoggend het ek 05:00 opstaan en van 5:40 tot 6:00 vinnig gestap (lol, dit was inspanning). Dinsdag oggend was te vroeg na te min slaap. Dinsdag het ek 'n 'app' op my foon gelaai om my aan te moedig om te hardloop "Couch-to-5K". (Die app stel toe voor dat ek net probeer om 3 keer 30 minute te oefen en nie dadelik 'n uur ses dae 'n week probeer nie. Dit klink makliker.) Opgewonde om my nuwe 'app' te probeer het he Woensdag oggend 4:45 reeds wakker gelê, maar toe sit Jeanelle haar arm om my en 6:20 skrik ek toe wakker, (20 minute later as gewoonlik) en 'n gejaag om klaar te maak. (Ek jaag so dat ek toe 10 minute vroër as gewoonlik by die werk is. Ai.) Donderdag oggend het ek verkouerig gevoel en Vrydag was ek afgeboek. lol. Volgende week sal ek maar byvoorbaat seker maak dat ek eers goed gesond word, voordat ek weer probeer.

Hoop dat julle 'n lekker week het. Gelukkige Lentedag! (Bly gesond met die seisoensverandering!)

Liefde en Groete
Johann